لماذا لايوجد مال في خزينة العراق اين ذهبت اموال المنافذ والنفط والايرادات

مقال نشره احد المغردين بشأن انقطاع الرواتب في العراق وانقطاع راتبه منذ 45 يوم

حسب تصريح الناطق الرسمي لرئيس الوزراء { لدينا عجز في تأمين الرواتب}

#خل_نسولف_على_المكشوف

▪️مو اخذت المنافذ ولزمها الساعدي واليوم الواحد تطلع 4 مليار حسب #تصريحاتكم لو لا !!!!!!!

▪️مو كطعت رواتب سجناء رفحاء #وبعدك مكاطع رواتب الرفاق ومجاهدي الاخوة الاكراد ، وكلت اجت فلوس للخزينة كلش هواي !!!!!!!!

▪️ مو صرحت #للإعلام بكشف فضائيين يستلمون رواتب مبالغ خيالية !!!!!!

▪️زين النفط مو صعد من #لزمت الحكم انت ، بزمن عادل عبد المهدي وصل للعشرة دولار

▪️ لا عندك #حرب ولا #مشاريع ولا أي شيء يعني بس رواتب !!

▪️زين اذا عجز ليش #أعطيت كردستان 277 مليار دون تسلييم الاقليم إيرادات النفط والمنافذ الحدودية !!!!!

▪️زين الزيارة الرنانة الي #طبلت الها كل الصفحات ترامب انطانة فلوس وميهمنا اي ازمه !! وين راحت الفلوس وكذلك وين صارت الاتفاقية.

▪️اما القرض السابق الذي قلتم انه من اجل العقود والأجراء والمحاضرين ورواتب #الموظفين و تطبيق #قرار 315 في جميع الوزارات اين ذهب القرض مع العلم صرحت اللجنة المالية فقدان 6 تريليون دينار من أموال الاقتراض الداخلي.

▪️تعهدت يا #رئيس_الوزراء بأن لن تكون هناك اي ازمه بالرواتب والاستقراض فقط لثلاثة اشهر واليوم الحكومه ارسلت قانون جديد للاستقراض